«إلا السعودية».. قصيدة من البحرين إلى السعودية
الشيخ ناصر بن حمدال خليفه
كتب قائد الحرس الملكي البحريني نجل العاهل البحريني العقيد الركن ناصر بن حمد قصيدة بعنوان "إلا السعوديه"، وهذا نصها:
إلا السعودية
يقول اخو نجلا عن البحرين لاخوان نوره فالسعوديه
رد الوفا واجب على الوافين وافعالكم ماهيب منسيه
وحنا لاوقفنا نرد الدين ورد الوفا بأسما معانيه
حان الوعد ماعد به بعدين بنروي الكبود وننجح الكيه
حنا عذابك ياذرى الغاوين دام المعارك نارها حيه
خلك على قدك وفالك شين بتموت والاحلام وهميه
وعلم هبيل الراي ابو وجهين الجاحد اللي نيته نيه
هذا الحوار اللي تشوف الحين حسب قناعتنا السياسيه
وحنا لاجا اللازم خليجين بقوات بريه وجويه
وان جا البحر ماعندنا ثنتين بنحرك اسطولات بحريه
يالكبتن الطيار مابه وين النصر بان ولاح طاريه
اركب على اللي فاللزوم تبين فالحرب ماهيب احتياطيه
حلق سما مابين قلب وعين من تحتك الاهداف مسميه
حدد مواقعها من الصوبين على الخطوط الاستوائيه
ثبت الاشاره واسحب التخزين وفي كل موقع حط ماريه
قنابلك منها الحديد يلين ماهيب ضوئيه وصوتيه
ابشر بنا ياخادم البيتين وابشر بوقفتنا البطوليه
يالحاكم اللي ترهب الطاغين وترجع الحاكم لكرسيه
فيك التواضع والعدل والدين وفيك الشجاعه والفروسيه
وحنا بعاصفة الحزم ماشين والحق ماله غير راعيه
حنا العرب حنا عمى الغازين والكل منا له عزاويه
مانستمع في كلمة الواشين وحدودنا بالروح مفديه
هذي رساله من هل البحرين مضمونها "الا السعوديه!"
عن العربيه نت
تعليقات القراء
لا توجد تعليقات معتمدة بعد. شاركنا رأيك.
أضف تعليقًا